ԱՄՆ-ը Դամասկոսին կրկին կոչ է արել դադարեցնել «ընդդիմության» զինյալների ոչնչացումը

ԱՄՆ-ը կարծում է, որ «Ասադի ռեժիմը» չպետք է Սիրիայի նոր տարածքները մաքրի անօրինական զինված խմբավորումներից, այլ փոխարենը նստի բանակցությունների սեղանի շուրջ: Այս մասին օգոստոսի 26-ին Թուրքիայի մայրաքաղաքում հայտարարել է Սիրիայի հարցով ԱՄՆ հատուկ բանագնաց Ջեյմս Ջեֆրին:

Նրա խոսքով՝ «ռեժիմը չպետք է նոր տարածքներ ստանա»:

«Ռեժիմը պետք է վերադառնա բանակցությունների սեղան և գործ ունենա միջազգային հանրության հետ: Դա մեր առաջնահերթությունն է, և մենք դա կքննարկենք թուրք պաշտոնյաների հետ», - ասաց Ջեֆրին:

Բացի այդ, նա նշել է, որ Սիրիան «անվտանգային հսկայական սպառնալիք է իր բոլոր հարևանների համար՝ սկսած Թուրքիայից»:

Ակնկալվում է, որ օգոստոսի 27-ին Ջեֆրին կհանդիպի Թուրքիայի նախագահի պաշտոնական ներկայացուցիչ Իբրահիմ Քալընի և Թուրքիայի ռազմական գերատեսչության ղեկավար Հուլուսի Աքարի հետ: