Անհրաժեշտ է ակտիվորեն ներգրավել դաշնային ուժերը անկարգությունների դեմ պայքարելու համար․ Թրամփ

ԱՄՆ նախագահ Դոնալդ Թրամփը հայտարարություն է տարածել առ այն, որ մտադիր է ավելի ակտիվ օգտագործել Ազգային գվարդիայի դաշնային զորքերը՝ պայքարելու համար զանգվածային անկարգությունների դեմ. այս մասին գրում է «ԻՆՏԵՐՖԱՔՍ»-ը։ 

Նա, մասնավորապես, նշել է. «Մենք պատրաստվում ենք ավելի շատ ներգրավել դաշնային իրավապահ մարմիններին Այս մարդիկ՝ անարխիստները, նրանք ատում են մեր երկիրը, և մենք չենք պատրաստվում թույլ տալ, որ սա շարունակվի», ու հավելել՝ ամերիկյան քաղաքներում սկիզբ առած խռովությունների մեղքը դեմոկրատներինն է, որոնք առաջնորդում են դրանցից մի քանիսը:

Հիշեցնենք՝ 2020-ի մայիսի վերջին ԱՄՆ-ում անկարգություններ և բողոքի հուժկու ցույցեր սկսվեցին ընդդեմ ռասիզմի՝ ոստիկանների կողմից սևամորթ ամերիկացի Ջորջ Ֆլոյդի սպանության ֆոնին: