Գերմանացի նախարարները հրաժարվել են մասնակցել G7-ի գագաթնաժողովին. Spiegel

Գերմանիայի արտգործնախարար Հայկո Մաասը և ֆինանսների նախարար Օլաֆ Շոլցը հրաժարվել են մասնակցել G7-ի գագաթնաժողովի շրջանակում հուլիսի 29-ին Վաշինգտոնում կայանալիք նախարարների հանդիպմանը. այս մասին գրում է Spiegel պարբերականը՝ սեփական իրազեկ աղբյուրներին հղումով:

Ըստ պարբերականի՝ Գերմանիան պատրաստ է Վաշինգտոն առերես հանդիպման ուղարկել փոխնախարարներին:

Հիշեցնենք՝ ավելի վաղ հաղորդվել էր նաև, որ Գերմանիայի կանցլեր Անգելա Մերկելը ևս հրաժարվել է անձամբ մասնակցել G7-ի երկրների հանդիպմանը:

Ավելի վաղ տեղեկացրել էինք, որ Միացյալ Նահանգները կորոնավիրուսի պատճառով G7-ի գագաթնաժողովը հետաձգել էր մինչև հունիսի վերջ, հստակեցնելեվ, որ «մեծ յոթնյակի» բոլոր առաջնորդները հետաքրքրված են դեմ առ դեմ հանդիպումով: