Der Spiegel-ի՝ Թրամփի պատկերով շապիկը սկանդալ է առաջացրել

Գերմանական հեղինակավոր Der Spiegel պարբերականն իր շապիկին պատկերել է ԱՄՆ նոր նախագահ Դոնալդ Թրամփին. նա մի ձեռքում պահում է ԱՄՆ խորհրդանիշ՝ Ազատության արձանի կտրած գլուխը, իսկ մյուս ձեռքում՝ արյունոտ դանակը:

The Guardian-ի հաղորդմամբ՝ շապիկի վրա տեղ է գտել նաև նախագահական քարոզարշավի շրջանակներում Թրամփի որդեգրած «Առաջ, Ամերիկա» կարգախոսը:

Սկանդալ առաջացրած շապիկի մասին հայտարարությամբ հանդես եկած` գերմանական պարբերականի գլխավոր խմբագիր Կլաուս Բրինկբաումերը հայտնել է, որ պատկերի  նպատակն է եղել ահազանգել ԱՄՆ-ում ժողովրդավարական արժեքների լուրջ վտանգման մասին: «Այս պատկերը ժողովրդավարության, մամուլի ազատության, արդարության մասին է: Մենք պաշտպանում ենք ժողովրդավարական արժեքները»,- նշել է նա: