Հրդեհի պատճառով Դարդանելի նեղուցը փակվել է բեռնափոխադրման համար

Թուրքիայի Գալիպոլի թերակղզու վրա անտառային ուժեղ հրդեհը պատճառ է դարձել, որ հուլիսի 6-ին փակվի Դարդանելի նեղուցը նավերի անցման համար. հայտնում է Hurriyet-ը:

Հրդեհը սկսվել է Իլգարդերե գյուղի տարածքում: Դրա ոչնչացման մեջ ներգրավված էին երկու ինքնաթիռ, 20 ուղղաթիռ, 107 հակահրդեհային մեքենա և մոտ 400 փրկարար:

Գյուղից տարհանվել է մոտ 300 մարդ: Այրվել է մոտ 450 հա տարածք։

Նշենք, որ հուլիսի 6-ին Չանաքքալե նահանգի անտառտնտեսության վարչության պետ Իզմիր Զաֆեր Դերինչը հայտարարել էր, որ Ռուսաստանի կողմից Թուրքիա ուղարկված «Բի-200ES»  ինքնաթիռը՝ հրդեհները մարելու հարցում օգնելու համար, արդյունավետորեն հաղթահարում է իրենց առաջադրանքը: