Ղազախստանում դեղերի և ջերմաչափերի դեֆիցիտ է առաջացել՝ կորոնավիրուսի ֆոնին

Կորոնավիրուսով պայմանավորված՝ դեղամիջոցների պահանջարկի կտրուկ աճը Ղազախստանում դեղերի դեֆիցիտի պատճառ է դարձել. այս մասին հայտարարել է փոխվարչապետ Երալի Տուգժանովը, նշելով, որ մարդիկ զանգվածաբար դեղեր են գնում դեղատներում:

Օրվա ընթացքում այժմ երկու անգամ ավելի շատ դեղ են գնում, քան նախկինում ՝ մեկ ամսվա ընթացքում: Նույնը տեղի է ունենում նաև ջերմաչափերի պարագայում. նախկինում տարեկան մոտ 100 հազար ջերմաչափ էր վաճառվում, հիմա նույն քանակությունը վաճառվել է մեկ շաբաթվա ընթացքում:

Բացի մեծ պահանջարկից, դեֆիցիտի հարցում մեծ դեր ունեն նաև վերավաճառողների գործողությունները։

«Այս պահին իրավապահ մարմինները ստուգում են դեղերի գների բարձրացումները», մանրամասնել է նա, ու հավաստիացրել՝ բոլոր մեղավորները պատասխանատվության կենթարկվեն:

Պաշտոնյան հավելել է նաև. «Երրորդ, տեղական արտադրությունը ծածկում է դեղերի 13% -ը, դեղերի 87%-ը ներմուծվում է: Դա, իհարկե, նույնպես ազդում է դեֆիցիտի վրա »։