Ղրիմում արձագանքել են թերակղզին՝ որպես Ռուսաստանի մաս չճանաչելու մասին Թուրքիայի հայտարարություններին

Դաշնային Խորհրդի Արտաքին հարաբերությունների հանձնաժողովի անդամ Սերգեյ Ցեկովը մեկնաբանել է Թուրքիայի արտգործնախարար Մևլյութ Չավուսօղլուի հայտարարությունը, ով Ուկրաինայի արտգործնախարար Դմիտրի Կուլեբայի հետ համատեղ ասուլիսում հայտարարել էր, որ Անկարան երբեք չի ճանաչի Ղրիմը որպես Ռուսաստանի մաս և հանդես է գալիս Ուկրաինայի տարածքային ամբողջականության օգտին:

Հիշեցնենք, որ Չավուշօղլուն մամուլի ասուլիսում նշել էր, որ Անկարան սատարում է երկրի տարածքային ամբողջականությունը, չի ճանաչել և չի ճանաչում «Ղրիմի ապօրինի բռնակցումը»:

Ցեկովը շեշտել է, որ Ղրիմում Չավուշօղլուի նման հայտարարությունը ոչ ոքի չի զարմացնում, Անկարան նախկինում նման հայտարարություններ ևս արել է: Ավելին, սենատորը նշեց, որ Ղրիմին պետք չեն երրորդ երկրների կողմից ռուսական կարգավիճակի ճանաչումը:

«Ղրիմի համար ամենակարևորը Ռուսաստանի ճանաչումն ու աջակցությունն է», - բացատրեց նա:

Ինչ վերաբերում է համաշխարհային հանրությանը, ապա վաղ թե ուշ նրանք ստիպված կլինեն ընդունել, որ Ղրիմը Ռուսաստանի մի մասն է, քանի որ սա մի կատարված պատմական փաստ է, որը պետք է հաշվի առնել: