Պատրիարք Կիրիլը կոչ է արել պահպանել Սբ. Սոֆիայի թանգարանային կարգավիճակը

Թուրքիայում գտնվող Հաջիա Սոֆիայի թանգարանային կարգավիճակը պետք է պահպանվի.   հուլիսի 6-ին այս մասին հայտարարել է Մոսկվայի և Համայն Ռուսիո պատրիարք Կիրիլը:

«Հուսով լցված եմ Թուրքիայի կառավարության խոհեմության համար: Հաջիա Սոֆիայի ներկայիս չեզոք կարգավիճակի պահպանումը ... կծառայի Ռուսաստանի և Թուրքիայի ժողովուրդների միջև հարաբերությունների հետագա զարգացմանը, ամրապնդելով միջկրոնական խաղաղությունն ու ներդաշնակությունը», - նշել է Մոսկվայի և Համայն Ռուսիո Պատրիարքը։

Ինչպես ավելի վաղ հաղորդել ենք, Թուրքիայի նախագահ Ռեջեփ Թայիփ Էրդողանը հրամայել էր վերանայել Հաջիա Սոֆիայի կարգավիճակի փոփոխությունը՝ այն թանգարանից վերածելով գործող մզկիթի:

Հիշեցնենք, որ Սբ. Սոֆիան գործող քրիստոնեական եկեղեցի էր մինչև 1453 թվականը, երբ թուրքերի կողմից Կոստանդնուպոլիսը գրավելուց հետո այն վերածվեց մզկիթի: 1935 թ.-ին կառավարության որոշմամբ մզկիթը դարձավ թանգարան։

ԱՄՆ պետքարտուղար Մայք Պոմպեոն, ՌԴ ԱԳՆ-ն, եվրոպական մի շարք երկրներ և նշանավոր գործիչներ արդեն կոչ են արել Թուրքիային զերծ մնալ նման քայլից։