Վրաստանը պաշտոնապես ներառվել է անվտանգ երկրների Եվրամիության ցուցակում

ԵՄ-ն պաշտոնապես հրապարակել է անվտանգ երկրների ցանկը, որի մեջ են Վրաստանը, Ալժիրը, Ավստրալիան, Կանադան, Ճապոնիան, Չեռնոգորիան (Մոնտենեգրո), Մարոկկոն, Նոր Զելանդիան, Ռուանդան, Սերբիան, Հարավային Կորեան, Թաիլանդը, Թունիսը և Ուրուգվայը:

Ինչ վերաբերվում է Չինաստանին, ապա երկիրը կընդգրկվի այդ ցուցակում, եթե չինական իշխանությունները նման իրավունքներ տան եվրոպացիներին:

Նշվում է՝ ցանկը խորհրդատվական բնույթ ունի: Այսինքն՝ հուլիսի 1-ից ԵՄ առանձին երկրներ կկարողանան բացել սահմանները անվտանգ ցուցակի պետությունների քաղաքացիների համար: Այն կազմվել է COVID-19 վարակվածության դեպքերի վերջին երկու շաբաթվա տվյալների հիման վրա՝ 100 հազար մարդու հաշվարկով:

Հավելվում է՝ ցանկը կթարմացվի երկու շաբաթը մեկ անգամ. ցանկում դեռևս տեղ չեն գտել Ռուսաստանը, ԱՄՆ-ը և Բրազիլիան: