Հույն հաքերները կոտրել են Թուրքիայի ԱԳՆ և ՊՆ կայքերը

Հունիսի 7-ին թուրք հաքերները «կիբերհարձակումը» էին նախաձեռնել՝ կոտրելով Սալոնիկում ընդամենը 30,000 բնակչություն ունեցող փոքրիկ Քաղկեդոն քաղաքի քաղաքապետարանի կայքէջը: Հարձակման պատասխանատվությունը ստանձնել էր թուրք «կիբեր զինվոր» Այիդիզ Թիմը. հայտնում է greekcitytimes.com կայքը։

«Anonymous Greece» հաքերային խումբը, ի պատասխան դրա, կոտրել է Թուրքիայի ԱԳՆ պաշտոնական կայքէջը։

Հույն հաքերները հայտարարել են. «Թուրքիա, մենք նույնպես հարձակվում ենք: Մենք կցանկանայինք խորհուրդ տալ մոնղոլներին հանգստանալ, քանի որ նրանք կորցրել են գնդակը»:

Anonymous Greece-ը իր ֆեյսբուքյան էջում սխալ էր թույլ տվել՝ հայտարարելով, որ կոտրել է Թուրքիայի Պաշտպանության նախարարության կայքը, սակայն ավելի ուշ շտկել է գրառումը՝ նշելով, որ դա Թուրքիայի արտգործնախարարության կայքն է: Հաքերները կանգ չառան Արտաքին գործերի նախարարության կայքի վրա և որոշեցին շտկել ավելի վաղ թույլ տված սխալը՝ կոտրելով նաև ՊՆ կայքէջը։

Բացի այդ, հույն հաքերները կոտրել են նաև տարբեր նշանակության՝ 9 այլ կարևոր կայքէջեր կամ էլ-հասցեներ։