Գերմանիայում հիդրոքսիքլորոքին դեղամիջոցի կլինիկական փորձարկումները դադարեցվում են

Գերմանիայում Թյուբինհեն համալսարանական կլինիկան ժամանակավորապես դադարեցրել է հիդրոքսիքլորոքին դեղամիջոցի կլինիկական փորձարկումները. այս մասին գրում է ՌԻԱ «Նովոստի»-ն, նշելով՝ ավելի վաղ ԱՄՆ նախագահ Դոնալդ Թրամփն այն անվանել էր կորոնավիրուսի դեմ դեղամիջոց:

Spiegel շաբաթաթերթի տեղեկություններով՝ դրա համար պատճառ են դարձել «անցանկալի հետևանքների մասին տեղեկությունները»: Այս կապակցությամբ նախկինում մալարիայի դեմ օգտագործվող դեղամիջոցի փորձարկումներն արդեն իսկ դադարեցվել են ԱՀԿ-ի և Ֆրանսիայի կողմից: 

Այս պահին նաև Գերմանիան է այս թեմայի վրա տարվող աշխատանքը դադարեցնում: Նշվում է, որ երկշաբաթյա ժամկետում անկախ կազմակերպությունը կուսումնասիրի հիդրոքսիքլորոքին ընդունած պացիենտների անվտանգության հարցը: