Ադրբեջանում շարունակվում են պաշտոնակություններն ու ձերբակալությունները. պաշտոնից ազատվել է Մշակույթի նախարարը

Ադրբեջանի մշակույթի նախարար Աբուլֆաս Գարաևը ազատվել է զբաղեցրած պաշտոնից: Համապատասխան հրամանը ստորագրել է երկրի նախագահ Իլհամ Ալիևը, նշվում է երկրի  ղեկավարի պաշտոնական կայքում տեղ գտած հայտարարության մեջ:

Աբուլֆաս Գարաևը 1994 թվականից հանդիսանում է Ադրբեջանի կառավարության անդամ և ղեկավարում է տարբեր նախարարություններ: Մայիսի սկզբին Ադրբեջանի պետական անվտանգության ծառայությունը մշակույթի նախարարությունում հատուկ գործողություն իրականացրեց, որի արդյունքում ձերբակալվեցին նախարարի տեղակալ Ռաֆիգ Բայրամովը և Մշակութային ժառանգության պահպանության, զարգացման և վերականգնման պետական ծառայության պետ Զաքիր Սուլթանովը:

Ավելի ուշ, երկու պաշտոնյաները ձերբակալվեցին չորս ամիս ժամկետով ՝ Ադրբեջանի Հանրապետության քրեական օրենսգրքի 308-րդ հոդվածի (պաշտոնի չարաշահման) և 179-րդ (յուրացման) հատկանիշներով: