Թուրքիայում շարունակվում են ուսուցիչների ձերբակալությունները

Թուրքիայում հուլիսի 15-ին տեղի ունեցած ռազմական հեղաշրջման փորձից հետո շարունակվում են ուսուցիչների ձերբակալությունները:

Ըստ Demokrathaber-ի՝ Ադանայի ոստիկանատան հրահանգով` հակագյուլենական գործողություններ են տեղի ունեցել Ադանայում, Այնթապում, Անկարայում և Դենիզլիում: 25 հասցեներով իրականացված գործողությունների ժամանակ ձերբակալվել է 21 ուսուցիչ, որոնցից մի քանիսը մեղադրվում են «ByLock» հեռախոսային ծրագրից օգտվելու մեջ: Այլ մանրամասներ չեն հաղորդվում:

Հավելյալ նշենք, որ ըստ թուրքական կայքի, ByLock հեռախոսային հատուկ ծրագիրը տարածված է գյուլենականների շրջանում: Գերապահով ծրագիրն օգտագործվում է միմյանց լուրեր հաղորդելիս: