Թուրքիան բացում է Տիգրիսի վրա ամենամեծ ՀԷԿ-ը

«Ըլըսու» ջրամբարի ՀԷԿ-ի առաջին տուրբինը կգործարկվի այսօր՝ «Աթաթուրքի հիշատակի և սպորտի ու երիտասարդության օրը»։

«Ըլըսու»-ն Տիգրիս գետի վրա կառուցված ամենամեծ ՀԷԿ-ն է։ Նոր էներգետիկ ծրագիրը պետք է ապահովի էլեկտրահաղորդակցությունը երկրի հարավ-արևելյան շրջաններում՝ Դիարբեքիրում, Բաթմանում, Մարդինում, Սղերթում, Շըրնաքում։ «Աթաթուրքի» անվան ջրամբարից հետո այս ջրամբարը երկրորդ ամենախոշորն է։

ՀԷԿ-ի կառուցումը Թուրքիային արժեցել է 8.5 մլրդ լիրա (1.2 մլրդ դոլար)։

Նշենք, որ մայիսի 19-ը Թուրքիայի ազգային տոներից է։ 101 տարի առաջ այսօրն է համարվում Թուրքիայի ազգային-ազատագրական պայքարի մեկնարկի օրը, որի արդյունքում Թուրքիան անկախացավ։