Վրաստանում զբոսաշրջության ոլորտը ամբողջությամբ ազատվում է հարկերից

Վրաստանում զբոսաշրջության ոլորտը 2020 թվականին լիովին կազատվի հարկերից. այս մասին հայտարարել է վարչապետ Գիորգի Գախարիան հետճգնաժամային ծրագրի ներկայացման ժամանակ, հայտնում է Yerkir.am-ը՝ Sputnik Georgia-ին հղումով։

Նա, մասնավորապես, նշել է՝ զբոսաշրջության ոլորտում աշխատող ընկերությունների եկամտահարկերի գանձումը հետաձգվելու է մինչև տարեվերջ ու հավելել. «Զբոսաշրջության ոլորտում գործող ընկերությունների եկամտահարկերի գանձումը հետաձգվելու է 9 ամսով՝ մինչև տարեվերջ: Մենք չենք կարող խոստանալ որևէ մեկի եկամտի գանձման ամբողջական չեղարկում, բայց հնարավոր է խոսել հետաձգման և հետագա, աստիճանաբար վճարման սխեմաների մասին»։