Վրաստանը շնորհակալություն է հայտնել Ուկրաինային՝ Սահակաշվիլուն փոխվարչապետ չնշանակելու համար

Վրաստանի խորհրդարանի փոխխոսնակ Մամուկա Մդինարաձեն շնորհակալություն է հայտնել Ուկրաինայի Գերագույն ռադային Վրաստանի նախկին նախագահ և ՈՒկրաինայի Օդեսսա նահանգի նահանգապետ Միխայիլ Սահակաշվիլուն Ուկրաինայի կառավարության բարեփոխումների գծով փոխվարչապետի պաշտոնին նշանակել հրաժարվելու համար. հայտնում է lenta.ru-ն։

«Ցանկանում եմ Ռադային և մեր գործընկերներին շնորհակալություն հայտնել խելամտության և մեր տեսակետների կիսելու համար», - նշել է Մդինարաձեն։

Ապրիլին տեղեկություններ էր տարածվել. որ Սահակաշվիլին կարող է դառնալ Ուկրաինային փոխվարչապետ, ինչը դժգոհությունների ալիք էր բարձրացրել Վրաստանում, քանզի նախկին նախագահը պետք է դեռ դատարանի առաջ կանգնի մի շարք մեղադրանքների համար, որոնցից են սպանությունները և մարմնական վնաս հացնելը։

Վրաստանի նախագահ Սալոմե Զուրաբիշվիլին հայտարարել էր, որ Սահակաշվիլիի նշանակումը կփչացնի Թբիլիսիի և Կիևի հարաբերությունները, իսկ վարչապետ Գեորգի Գախարիան սպառնացել էր հետ կանչել դեսպանին։