Շանհայի զվարճանքների այգի Disneyland-ը մայիսի 11-ից կվերսկսելի իր աշխատանքը

Շանհայի զվարճանքների այգի Disneyland-ը մայիսի 11-ից կվերսկսելի իր աշխատանքը. այս մասին տեղեկացրել է այգու ադմինիստրացիոն բաժինը Weibo-ի իր էջում՝ նշելով, որ այգին կորոնավիրուսի պատճառով փակվել էր հունվար ամսից. հայտնում է Yerkir.am-ը։

Հայտարարությունում, մասնավորապես, նշվում է՝ այգու աշխատանքը վերսկսվելու է ոչ ամբողջ ծավալով, տոմսերը վաճառվելու են սահմանափակ քանակով, որպեսզի այցելուների հերթեր ու կուտակումներ չլինեն, իսկ բոլոր այն հատվածներում, որտեղ կվերսկսվի աշխատանքը, արդեն ձեռնարկվել են անվտանգության բոլոր կանոնները:

Այցելուները սանիտարական ստուգում կանցնեն այգու մուտքի մոտ, իսկ այգու ներսում դիմակ կրելն ու սոցիալական հեռավորություն պահելը կարևորագույն պահանջ է: