Շանհայի նավաշինական ընկերությունը կկառուցի աշխարհի խոշորագույն լցանավը` հեղուկացված բնական գազի փոխադրման համար

Շանհայում գտնվող Hudong-Zhonghua նավաշինական ընկերությունը կկառուցի աշխարհի խոշորագույն լցանավը`նախատեսված հեղուկացված բնական գազի փոխադրման համար: Նավը կկարողանա փոխադրել մինչև 270.000 մ³  էներգապաշար: Այս մասին տեղեկացնում է Tradewindsnews-ը:

Նախագծման աշխատանքները կկատարվեն Նորվեգիայի աջակցությամբ: Ըստ ձեռք բերված փոխհամաձայնության՝ մինչև 2020 թվականը երկու երկրների կոնստրուկտորները կպատրաստեն անհրաժեշտ փաստաթղթերը, որոնց հիման վրա կսկսվի կառուցումը:

Պարբերականը նշում է, որ Չինաստանում օրեցօր աճում է բնական գազի պահանջարկը: 2018 թվականին երկիրը սահմանել է պատմական ռեկորդ` ներմուծելով ավելի քան 53 միլիոն տոննա հեղուկացված բնական գազ: