ՌԴ վարչապետը մոտ ապագայում կգտնվի հիվանդանոցում՝ բժիշկների հսկողության ներքո. НТВ

ՌԴ վարչապետ Միխայիլ Միշուստինը, որի մոտ կորոնավիրուս է ախտորոշվել, կտեղափոխվի հիվանդանոց. այս մասին տեղեկացնում է ntv.ru-ն՝ վարչապետի մամուլի խոսնակ Բորիս Բելյակովի խոսքերին հղումով. հայտնում է Yerkir.am-ը։ 

Նշվում է՝ Բելյակովն ասել է, որ Միշուստինը մոտ ժամանակներս կգտնվի բժշկական հաստատություններից մեկում՝ բժիշկների հսկողության տակ:

«Իսկ նրանք, որոնք վերջերս սերտ շփման մեջ են եղել Միշուստինի հետ, կորոնավիրուսի թեստ կհանձնեն»,- հավելել է նա՝ շեշտելով, որ ՌԴ վարչապետը վերջին մի քանի շաբաթների ընթացքում առավելագույնս սահմանափակել էր ֆիզիկական շփման շրջանակը՝ բակացությունները, հանդիպումներն ու նիստերը Միշուստինն անցկացնում էր տեսակապի կամ հեռախոսի միջոցով:

Հիշեցնենք՝ ավելի վաղ ՌԴ վարչապետ Միխայիլ Միշուստինը ՌԴ նախագահ Վլադիմիր Պուտինին հայտնել է, որ իր մոտ կորոնավիրուս է հայտնաբերվել և այժմ մտադիր է ինքնամեկուսանալ: