ԱՀԿ-ն իր անհանգստությունն է հայտնել մի շարք երկրներում կորոնավիրուսի տարածման կապակցությամբ. ՏԱՍՍ

Առողջապահության համաշխարհային կազմակերպությունը իր անհանգստությունն է հայտնել մի շարք երկրներում նոր տեսակի կորոնավիրուսի տարածման կապակցությամբ։ Այս մասին հայտարարել է ԱՀԿ Եվրոպական տարածաշրջանային բյուրոյի տնօրեն Հանս Կլյուգեն. հայտնում է ՏԱՍՍ գործակալությունը։

Ըստ նրա՝ դրական ազդանշաններ են գալիս եվրոպական մի շարք երկրներից՝ այդ թվում Իսպանիայից, Իտալիայից, Գերմանիայից և Ֆրանսիայից։ «Սակայն թվերը շարունակում են աճել Մեծ Բրիտանիայում, Թուրքիայու, Ուկրաինայում, Բելառուսում և ՌԴ-ում։ Այդ իսկ պատճառով հաջորդ մի քանի շաբաթը շատ կարևոր է Եվրոպայի համար», - հայտարարել է Կլյուգեն։

Կլյուգեն շնորհակալություն է հայտնել բոլոր մարդկանց, ովքեր, չնայած Սբ Զատիկին, հետևել են անցած հանգստյան օրերին մտցված սահմանափակումներին։

«Մինչ որոշ երկրներում վիրուսի հայտնաբերման թվերը նվազում են, կան երկրներ, որոնք դեռ ամբողջովին պետք է իրենց վրա զգան կորոնավիրուսի ազդեցությունը», - նշել է Կլյուգեն։