Կորոնավիրուսը թալիշներին ցեղասպանելու առի՞թ. իրանագետի դիտարկումները

Իրանագետ Արտյոմ Տոնոյանը ֆեյսբուքյան իր էջում գրել է. 

«Մի քանի հարց, որոնք առաջ են եկել թալիշների շրջանում՝ կապված Ադրբեջանի իշխանությունների՝ կարանտինային հիմնական ճամբարներն այդ երկրի հարավում կենտրոնացնելու, Նախիջևանից և այսպես կոչված մայրցամաքային Ադրբեջանից հաստատված և հնարավոր վիրուսակիրներին ինքնաթիռներով Լենքորան տեղափոխելու որոշումների հետ.

1) Ո՞րն է պատճառը, որ ավելի բարձր որակավորում ունեցող մասնագետներով ու սարքավորումներով զինված Բաքվի հիվանդանոցների փոխարեն՝ ավելի համեստ հնարավորություններ ունեցող Լենքորանի, Ասթարայի ու Մասալիի հիվանդանոցները պետք է ընդունեն վիրուսակիրներին։

2) Եթե կա մեկուսացման խնդիր, և պատճառաբանվում է Իրանի հետ սահմանակցությունը, ապա ինչո՞ւ Լենքորանը և մյուս թալիշական շրջանները և ոչ Նախիջևանը, որը նույնպես սահմանակից է Իրանին, բայց ավելի մեկուսացած։

3) Ինչքանո՞վ է ճիշտ բնակչության բարձր խտությամբ առանձնացող հարավային մերձարևադարձային գոտին վերածել կարանտինային ճամբարի, եթե խորքում չկան էթնիկ-քաղաքական այլ ծրագրեր ու նպատակներ։

Կարճ ասած՝ թալիշների մոտ այս օրերին տիրապետող է այն կարծիքը և համոզումը, որ ստեղծված իրավիճակը առիթ է դարձել Ադրբեջանի վարչակարգի համար շարունակել թալիշների դեմ սուր խտրականության և «սպիտակ ցեղասպանության«» քաղաքականությունը՝ «միտումնավոր վարակելով և սպանելով» տեղի թալիշ բնակչությանը»։