82 միլիարդ դոլարի շտապ օգնության փաթեթ կանադացիներին. վարչապետի արտակարգ որոշումը

Կանադայի վարչապետ Ջասթին Թրյուդոն քիչ առաջ հայտարարեց 82B (միլիարդ) դոլարի COVID-19 արտակարգ իրավիճակի արձագանքման փաթեթ ստեղծելու մասին. ըստ Կանադայի պաշտոնական աղբյուրների՝ հայտնում է Yerkir.am-ը։

82 միլիարդ դոլարի աջակցության փաթեթի նպատակն է՝ օգնել կանադացիներին վճարել տան ամսավարձն ու մթերքներ գնել,  ինչպես նաև օգնել բիզնեսներին շարունակել շահույթ ստանալ, վճարել հարկերն ու կատարել իրենց պարտավորությունները և առհասարակ կայունացնել երկրի տնտեսությունը։

Շտապ օգնության փաթեթը ներառում է.

• Ժամանակավորապես բարելավել Կանադայի երեխաների համար նախատեսված նպաստի վճարումները՝ տրամադրելով մոտ 2 միլիարդ դոլար լրացուցիչ աջակցություն:
• Տրամադրել շտապ օգնության նոր նպաստ՝ մինչև 900 դոլար չափով երկու շաբաթվա ընթացքում, ինչպես նաև եկամտի օժանդակություն տրամադրել աշխատողներին, ներառյալ այն մարդկանց, որոնք ստիպված են մնալ տանը և չօգտվել վճարովի հիվանդության արձակուրդից կամ աշխատանքային ապահովագրությունից: Այս դեպքում կարող է հատկացվել մինչև 10 միլիարդ դոլար:
• Կրկնապատկել անօթևանների խնամքի ծրագրով նախատեսված գումարի չափը:
• Հարկերի ներկայացման վերջնաժամկետը մինչև հունիսի 1-ը երկարաձգել:
• Թույլատրել հարկ վճարողներին վճարումները հետաձգել մինչև օգոստոսի 31-ը:

Փաթեթով նախատեսվում են այլ փոփոխոթյուններ ևս։

Թրյուդոն ասել է նաև, որ ընդդիմադիր քաղաքական կուսակցությունների մեջ կա «իրական» ցանկություն ՝ օգնելու կանադացիներին, և նա վստահ է, որ միջոցառումները կարող են արագ հավանության արժանանալ Խորհրդարանում: