Արդյո՞ք Թուրքիային աջակցելը բխում է ՀՀ ազգային անվտանգությունից. «ՎԵՏՕ» շարժումը դիմել է ԱԱԾ տնօրենի ԺՊ Էդուարդ Մարտիրոսյանին

«ՎԵՏՕ» հասարակական-քաղաքական շարժումը հայտարարություն է տարածել՝ դիմելով ՀՀ Ազգային անվտանգության ծառայության տնօրենի ժամանակավոր պաշտոնակատար պարոն Էդուարդ Մարտիրոսյանին: Հայտարարության մեջ մասնավորապես նշված է, որ մարտի 4-ին «Financial Times» պարբերականում Ջորջ Սորոսը հոդված է հրապարակել, որում կոչ է արել աջակցել Թուրքիային՝ նշելով. «Եվրոպան պետք է ամրապնդի Թուրքիայի նախագահ Ռեջեփ Թայիփ Էրդողանի դիրքերը Պուտինի հետ բանակցություններում»։

Հաշվի առնելով վերոնշյալը՝ «ՎԵՏՕ»-ն դիմել է ԱԱԾ ԺՊ-ին՝ պահանջելով պատասխանել հետևյալ հարցերին.

1. Արդյո՞ք Թուրքիային աջակցելը բխում է ՀՀ ազգային անվտանգությունից:

2. Արդյո՞ք ԱԱԾ-ն ձեռնարկում է քայլեր՝ չեզոքացնելու օտարերկրյա գործակալական ցանցի ազդեցությունը Թուրքիային աջակցելու գործում: