Ճի՞շտ է, որ Արսեն Խառատյանը զբաղվել է իր իսկ ներմուծած ծանր թմրանյութերի վաճառքով. ՎԵՏՕ-ն 5 հարց է ուղղել ԱԱԾ տնօրենին

ՎԵՏՕ շարժման հիմնադիր Նարեկ Մալյանը 5 հարց է ուղղել ՀՀ ԱԱԾ տնօրեն Արթուր Վանեցյանին:

Facebook-ի ուղիղ եթերում Մալյանն անդրադարձել է Նիկոլ Փաշինյանի նախկին խորհրդակական Արսեն Խառատյանի՝ պաշտոնից անակնկալ ազատման պատճառների մասին մամուլի հրապարակումներին և խնդրել պատասխանել հետևյալ հարցերին.

2. Ճի՞շտ է, որ Արսեն Խառատյանը զբաղվել է իր իսկ ներմուծած ծանր թմրանյութերի վաճառքով ՀՀ տարածքում:

3. Ճի՞շտ է, որ Արսեն Խառատյանը ծանր թմրանյութերը ՀՀ տարածք ապօրինի ներմուծելու նպատակով օգտվել է Վրաստանի Հանրապետությունում գործող ՀՀ դեսպանատան դիվանագիտական համարանիշներից:

4. Ճի՞շտ են այն տեղեկությունները, որ Վրաստանում ՀՀ դեսպանը Արսեն Խառատյանի հովանավորյալն է և, ըստ այդմ, անձեռնմխելի է:

5. Ճի՞շտ է այն տեղեկությունը, որ Արսեն Խառատյանը բռնվել է ծանր թմրանյութերի խմբաքանակի հերթական ներմուծման ժամանակ, և քաղաքական ղեկավարության կողմից որոշում է կայացվել այդ կապակցությամբ իրավական ընթացք չտալ և սկանդալը կանխելու նպատակով հեռացնել Արսեն Խառատյանին իր զբաղեցրած պաշտոնից:

Մալյանն ասել է, որ ԱԱԾ-ից հրապարակային պատասխան է ակնկալում: