Ֆրանսիայում խորհրդարանականներ են վարակվել կորոնավիրուսով

Ֆրանսիայում 4 պատգամավոր և խորհրադարանի 2 աշխատակից դարձել են կորոնավիրուսակիր. գրում է ՏԱՍՍ-ը՝ վկայակոչելով Իլ-դե-Ֆրանս տարածաշրջանի առողջապահական մարմնի հայտարարությունը. հայտնում է Yerkir.am-ը:

Նշվում է՝ երկրի խորհրդարանում իրականացվում են միջոցառումներ՝ վիրուսի տարածումը կանխելու նպատակով։

Այս պահի դրությամբ ստուգումներ են իրականացվում նրանց հետ շփված անձանց շրջանում։

Մարտի 9-ի տվյալներով՝ Ֆրանսիայում COVID-19-ով վարակվել է 1126 մարդ, որից 19-ը՝ մահացել են։

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին:

Հիշեցնենք՝ Եվրոպայում ավելի քան 9000 հայտաբերված վարակակիր կա, որից 2/3-ը բաժին է ընկնում Իտալիային, վարակման ավելի քան 700-ական դեպքեր են գրանցվել Ֆրանսիայում և Գերմանիայում։ Առաջին անգամ կորոնավիրուս է հայտնաբերվել նաև Մոլդովայում։