Արցախի անկախությունն անհրաժեշտ է ճանաչել որքան հնարավոր է արագ, ցանկալի է՝ հետին թվով. գերմանացի գրողը՝ ՄԱԿ-ի գլխավոր քարտուղարին

Գերմանական Frankfurter Allgemeine Zeitung պարբերականում հրապարակվել է գերմանացի գրող և հասարակական գործիչ Օլիվեր Շմիտի բաց նամակը ՄԱԿ-ի գլխավոր քարտուղար Անտոնիո Գուտերեշին՝ Արցախի անկախությունը ճանաչելու  և ՄԱԿ-ի 194-րդ լիիրավ անդամ ընդունելու կոչով. տեղեկացնում է yerkir.am-ը:

Նամակի հեղինակը գրում է, որ անցած ամառ եղել է Արցախում՝ Եվրախորհրդարանի անդամ Մարտին Զոնեբորնի ղեկավարած պատվիրակության կազմում, և հանդիպումներ ունեցել հանրապետության ներկայացուցիչների հետ, այցելել երկրի տարբեր վայրեր: Ըստ Շմիտի՝ Արցախում տեսել է պետականության բոլոր նշանները, իսկ Ստեփանակերտն իսկական մայրաքաղաք է: Ընդ որում, գրողի խոսքով, Արցախի անկախությունն անհրաժեշտ է ճանաչել որքան հնարավոր է արագ, ցանկալի է՝ հետին թվով՝ 2020-ի հունվարի 1-ով:

Շմիտը նկարագրում է Արցախի գեղատեսիլ վայրերը, մարդկանց հյուրընկալությունը՝ նշելով, որ երկիրը զբոսաշրջային մեծ պոտենցիալ ունի: