ՏԵՍԱՆՅՈՒԹ․ Հայաստանում կորոնավիրուսով կասկածյալ են հետազոտել՝ պատասխանը բացասական է․ Նունե Բակունց

Կորոնավիրուսի հետզոտման ռեագենտները Հայաստանում են, հակահամաճարակային միջոցառումների շրջանակում մեկ կասկածյալի հետազոտություն իրականացրել ենք և ստացել ենք բացասական պատասխան, այսինքն՝ կորոնավիրուս չուներ՝ ըստ Yerkir.am-ի, ասաց ՀՀ առողջապահության նախարարության հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ Նունե Բակունցը մամուլի ասուլիսում։

Նոր կորոնավիրուս հայտնաբերելու, լաբորատոր որոշելու համար անհրաժեշտ ռեագենտները Հայաստան են բերվել ՌԴ-ից՝ նշեց Նունե Բակունցը և շնորհակալություն հայտնեց այն Հայաստան տեղափոխելուն օժանդակողներին։

«Արդեն Հայաստանում ունենք, այդ ռեագենտները ստացել ենք շատ արագ կերպով, երևի բոլորը պատկերացնում են, որ այս պայմաններում  նման բանը հեշտ չէ կազմակերպել և իրականացնել։ Ռեագենտները ստանալու համար, ինչը ուժեղացնում է հակակահամաճարակային միջոցառումները, պետք է շնորհակալություն հայտնենք ՌԴ մեր կոլեգաներին «Ռոսպոտրեբնադզորին», որը տրամադրել է այն և Հայաստան տեղափոխումը կազմակերպող մի շարք գերատեսչությունների»,-ասաց նա։

Առավել մանրամասն՝ տեսանյութում․