HBO-ն թագավորական ընտանիքի մասին մուլտֆիլմ կնկարահանի. արքայազն Հարրիին կհնչյունավորի Օրլանդո Բլումը

HBO Max սթրիմինգային ծառայությունը հայտարարել է Մեծ Բրիտանիայի թագավորական ընտանիքի վերաբերյալ մուլտֆիլմ ցուցադրելու մասին. ըստ Yerkir.am-ի՝ այս մասին հայտնում է Luxurylaunches.com-ը

Նշվում է՝ մուլտֆիլմը կլինի հումորային և սիթքոմի ոճով ու կանվանվի «Արքայազնը»՝ բրիտանական գահի 6-ամյա թագաժառանգ արքայազն Ջորջի պատվին։  Նա գահի ժառանգորդների շարքում երրորդն է՝ պապից և հորից հետո:

Պարզաբանվում է նաև, որ մուլտֆիլմում բրիտանական թագավորական ընտանիքի կյանքն ու ապրելակերպը կներկայացվի մանկահասակ Ջորջի աչքերով:

Մուլտֆիլմում տեղ կունենան թագուհու, նրա ամուսնու, ավագ որդու, հարսի, Քեմբրիջի դուքս Ուիլյամի և դքսուհի Քեյթ Միդլթոնի, արքայազն Հարրիի, նրա կնոջ՝ Մեգան Մարքլի, ինչպես նաև արիստոկրատիայի մյուս ներկայացուցիչների կերպարները:

Հավելվում է նաև, որ արքայազն Հարիին կհնչյունավորի հոլիվուդյան հայտնի դերասան Օրլանդո Բլումը: