Ինձ անգամ Նիկոլը դասեր տալ չի կարող, ուր մնաց դու․ Աշոտյանը՝ Փաշինյանի աներձագին

"Փաշինյանի բարեկամական միջավայրից մի քայլած անձնավորություն, որի պատկերացումները բարոյականության մասին սկսվում և ավարտվում են պետական միջոցների հաշվին անպտուղ կայֆերով և , ըստ մամուլի հրապարակումների, մասնավոր հատվածի որոշ ներկայացուցիչների ստվերային "կռիշայությամբ", այսօր որոշել է ինձ բարոյականության դասեր տալ:

Պարոն, ինձ անգամ Նիկոլը դասեր տալ չի կարող, ուր մնաց դու:

Ինչպես կասեր ժողովրդի վստայությունը չարաշահած և մարդկանց համբերությունը փորձարկող մերձավոր ազգականդ, հով լռվի քո համար, քանի ապրուստդ ձրի է, փորդ՝ կուշտ ու տակդ՝ չոր",-գրել է նա:

Հիշեցնենք, որ այսօր Աշոտյանի երեկվա հարցազրույցին անդրադարձել էր «Իմ քայլի» պատգամավոր Հրաչյա Հակոբյանը՝ «անբարոյականություն» որակելով այն։ Աշոտյանը «տմարդի» էր բնորոշել Փաշինյանի՝ Գեորգի Կուտոյանի մահվան առիթով ոչ պատշաճ ցավակցելու վերաբերմունքը։