Ղազախստանում վթարվել է 95 ուղևոր փոխադրող ինքնաթիռը

Ղազախախստանում վթարվել է Bek Air ավիաընկերության Ալմա Աթա – Նուր-Սուլթան չվերթն իրականացնող ուղևորափոխադրող ինքնաթիռը: Ինքնաթիռում գտնվում էին 95 ուղևոր և 5 անձնակազմի անդամ: Այս մասին, ըստ Yerkir.am-ի, հայտնում է «ՌԻԱ Նովոստին»:

Զոհվել է 15 մարդ, որից 14-ը վթարի վայրում, մեկն էլ հիվանդանոցում: Ավելի քան 60 ուղևորի ցուցաբերվել է բուժօգնություն: Ինքնաթիռը օդ բարձրանալուց կորցրել է հավասարակշռությունը, բախվել երկհարկանի պատնեշին: Հրդեհ չի բռնկվել վթարի պահին: Վթարի պատճառները պարզելու համար ստեղծվել է կառավարական հանձնաժողով: Երկրի նախագահ Կասըմ-Ժոմարտ Տոկաևը ցավակցել է զոհվածների ընտանիքներին:

Ժամանակավորապես դադարեցվել է Fokker 100 տեսակի ինքնաթիռների թռիչքները, իսկ Bek Air ավիաընկերության գործունեությունն ընդհանրապես դադարեցվել է: