ՀՅԴ ԿԵՄ-ը դատապարտում է խաղաղ նստացույց կատարող ՀԵՄ-ի անդամների նկատմամբ բանեցված բռնությունը

ՀՅԴ Կանադայի Երիտասարդական միությունը հանդես է եկել  հայտարարությամբ, որում դատապարտում է ՀՅԴ ՀԵՄ անդամների նկատմամբ ոստիկանական բիրտ ուժի կիրառումը. տեղեկացնում է yerkir.am-ը`Horizon Weekly-ին հղումով:

«ՀՅԴ Կանադայի Երիտասարդական միությունը դատապարտում է ՀՀ իշխանությունների հակաժողովրդավար կեցվածքը՝ ՀՅԴ ՀԵՄ-ի անդամների ազատ արտահայտման իրավունքի զրկման եւ խաղաղ նստացույցը ոստիկանական բիրտ ուժով կասեցնելու առնչությամբ։ 

Ժողովրդավարության տարրական սկզբունքներին հակադրվող այս գործելաոճը խախտում է ՀՀ Սահմանադրության «Կարծիքի արտահայտման ազատությունը» խորագրով 42-րդ հոդվածը։

Զորակցում ենք ՀՅԴ ՀԵՄ-ի մեր ընկեր-ընկերուհիներին խոսքի ազատ արտահայտման իրավունքին եւ ազգային մեր անժամանցելի արժեքներին տեր կանգնելու հանձնառությանը»,- ասվում է հայտարարության մեջ