Սիրիական բանակը մտնում է քրդերի կողմից վերահսկվող Հասաքե և Կամիշլի քաղաքները

Երկուշաբթի սիրիական դրոշը բարձրացվեց նախկինում Քրդական ինքնավար վարչակազմի կողմից վերահսկվող սիրիական Հասաքե և Կամիշլի քաղաքների պետական հաստատությունների շենքերի վրա. հաղորդում է Սիրիայի պետական հեռուստատեսությունը:

Երկուշաբթի սիրիական բանակը մտել է քրդերի կողմից վերահսկվող Ռաքքա նահանգի Թաբկա քաղաքը և շարժվում է դեպի հյուսիս:

Սիրիայի իշխանությունների կողմից պաշտոնական հայտարարություն, կապված հյուսիսում բանակի առաջխաղացման և այդ քաղաքների՝ Դամասկոսի վերահսկողության տակ անցնելու վերաբերյալ, դեռ չի ստացվել:

Սիրիայի հյուսիս-արևելքում ձևավորված քրդական ինքնվարությունը երեկ պաշտոնապես հայտարարել էր, որ համաձայնություն է ձեռք  բերվել սիրիական իշխանությունների հետ՝ Թուրքիայի հետ սահմանին սիրիական բանակի ամբողջ երկայնքով զորք տեղակայելու վերաբերյալ՝ թուրքական վտանգի չեզոքացման նպատակով:

Հիշեցնենք, որ հոկտեմբերի 9-ին Թուրքիայի նախագահ Ռեջեփ Թայիփ Էրդողանը հայտարարել էր, որ երկրի ԶՈւ-ն սկսել են «Barış Pınarı-Խաղաղության ակունք» ռազմական գործողությունը Սիրիայում: