«Բարեկամություն» կայարան տանող աստիճանավանդակներին գտնվող կրպակներն ապամոնտաժվում են

Արաբկիր վարչական շրջանի ղեկավար Արամ Դանիելյանը ֆեյսբուքյան իր էջում գրառում է կատարել այն մասին, որ Երևանում մետրոպոլիտենի «Բարեկամություն» կայարան տանող աստիճանավանդակներին գտնվող կրպակներն ապամոնտաժվում են։ Գրառմանը կից նա նաև լուսանկար է հրապարակել։ 

«Բարեկամության մետրո տանող աստիճանավանդակներին ժամանակին թույլատրել են քաղաքաշինական առումով անթույլատրելին, որը նաև ըստ արտակարգ իրավիճակների նախարարության վտանգում է մետրոի տարահանման նորմերը.
Բարեկամության հրապարակը Արաբկիրի կարևորագույն հրապարակներից է հանդիսանում, որը կարգի բերելու մեծ աշխատանք կա անելու...ապամոնտաժվում են այս կրպակները, որոնց մեծ մասը ի դեպ չեն գործում»,- գրել է վարչական շրջանի ղեկավարը։