Իրանը Saudi Aramco-ի վրա հարձակումների մասին տվյալներ կտրամադրի, եթե մասնակցի հետաքննությանը․ Զարիֆ

Իրանի իշխանությունները կաջակցեն Սաուդյան Արաբիայի նավթային օբյեկտների վրա հարձակման անկողմնակալ միջազգային հետաքննությանը և կտրամադրեն իրենց ունեցած տեղեկատվությունը, եթե մասնակցեն դրան: Այդ մասին ТАСС-ի հաղորդմամբ՝ հայտարարել Է Իրանի արտաքին գործերի նախարար Մոհամադ Ջավադ Զարիֆը ԱՄՆ-ի ազգային հանրային ռադիոյին տված հարցազրույցում:

Նրան հարցրել են՝ Թեհրանն ինչպես կվերաբերի ֆրանսիացի փորձագետների մասնակցությանը Սաուդյան Արաբիայում իրականացված հարձակման հետաքննությանը:

 «Մենք կաջակցենք անաչառ միջազգային հետաքննությանը»,-նշել Է նախարարը: Պատասխանելով հարցին, թե Իրանի իշխանությունները կտրամադրեն արդյոք գրոհների վերաբերյալ իրենց ունեցած տեղեկատվությունը, ԱԳՆ ղեկավարն ընդգծել Է. «Եթե մասնակցենք հետաքննությանը»: