Իրանի պատվիրակության անդամներին ՄԱԿ-ի ԳԱ-ին մասնակցելու համար մուտքի արտոնագիր չի տրամադրվել

ՄԱԿ-ի Գլխավոր ասամբլեայի 74-րդ նստաշրջանին մասնակցելու համար ԱՄՆ մեկնող իրանական պատվիրակության որոշ անդամների այդ երկիրը մերժել է ամերիկյան վիզաներ տրամադրել ու մի շարք սահմանափակումներ է մտցրել իրանական պատվիրակության տեղաշարժի հարցում: Այս մասին հայտնում է korrespondent.net-ը՝ հղում անելով սեփական աղբյուրին:

«Եթե ԱՄՆ-ը հրաժարվում է մուտքի արտոնագրեր տրամադրել Միավորված ազգերի կազմակերպության անդամ պետության անդամներին, ապա խախտում է ՄԱԿ-ի կանոնները»,- ստեղծված իրավիճակը մեկնաբանել է իրանցի փորձագետը:

Նշվում է՝ Իրանի ներկայացուցիչները Նյու Յորք կատարած այցի ժամանակ չպետք է լքեն նախապես համաձայնեցված գոտիները:

Աղբյուրի տեղեկացմամբ՝ Թեհրանում այն կարծիքին են, որ ԱՄՆ-ն ի վիճակի չէ մեկուսացնել Իրանին, քանի որ «աշխարհի հզոր պետությունների ղեկավարների խնդրած հանդիպումների քանակն ուղղակի աննախադեպ է»: