Փհենյան իմ այցի լավագույն ժամանակը չէ. Թրամփի արձագանքը՝ Կիմ Չեն Ընի հրավերին

ԱՄՆ նախագահ Դոնալդ Թրամփը սեպտեմբերի 16-ին Բահրեյնի գահաժառանգ՝ արքայազն Սալման բեն Համադ բեն Իսա ալ Խալիֆայի հետ կայացած հանդիպումից հետո պատասխանել է Հյուսիսային Կորեա հնարավոր այցի վերաբերյալ հարցին։ Այս մասին հայտնում է հաղորդում է Al-Jazeera-ն:

«Մեր հարաբերությունները շատ լավ են, բայց չեմ ցանկանում մեկնաբանել»,- Սպիտակ տանը լրագրողների հետ ճեպազրույցի ժամանակ պարզաբանել է Թրամփը, երբ նրան հարցրել են Հյուսիսային Կորեայի առաջնորդի հրավերի մասին:

«Կախված այն բանից, թե ինչ տեղի կունենա… Վստահ եմ, որ Կիմ Չեն Ընը նույնպես մեծ հաճույքով Միացյալ Նահանգներ կայցելեր»,- հայտնել է Թրամփը և ու ավելացրել, որ դեռևս չի հասունացել իր այցի պահը: «Փհենյան իմ այցի լավագույն ժամանակը չէ»,- ասել է ԱՄՆ նախագահը՝ չբացառելով նաև այն հավանականությունը, որ ապագայում կարող է այցելել:

Yerkir.am-ն ավելի վաղ տեղեկացրել էր, որ Հյուսիսային Կորեայի ղեկավար Կիմ Չեն Ընը օգոստոս ամսին Թրամփին նամակ էր հղել, որում նրան հրավիրել էր Փհենյան: