Գեորգի Գախարիան՝ Վրաստանի նոր վարչապետ

Վրաստանի խորհրդարանը 98 կողմ, 0 դեմ ձայներով իր վստահությունը տվեց երկրի նոր կառավարությանը: Այսպիսով՝ Վրաստանի վարչապետ ընտրվեց ներքին գործերի նախկին նախարար Գեորգի Գախարիան. հաղորդում է aliq.ge կայքը:

Վրաստանի նոր կառավարությունում տեղի ունեցավ միայն երկու փոփոխություն: Երկրի պաշտպանության նախարարությունն այսուհետ կղեկավարի Իրակլի Ղարիբաշվիլին, իսկ ներքին գործերի նախարարի պաշտոնը կզբաղեցնի պետական անվտանգության ծառայության նախկին պետ Վախտանգ Գոմելաուրին:

Հիշեցնենք, որ սեպտեմբերի 2-ին Վրաստանի վարչապետ Մամուկա Բախտաձեն հրաժարական տվեց: Այնուհետև իշխող «Վրացական երազանք» կուսացությունը վարչապետի թեկնածու առաջադրեց Գեորգի Գախարիային: