Գախարիան մեր նախարարն է. մանիֆեստ` հաջակցություն Վրաստանի ՆԳ նախարարի

Վրաստանի խորհրդարանի առջև ընթացող ակցիաներին հակակշռող խումբ է ձևավորվել, որը պահանջում է, որ ՆԳ նախարարը հրաժարական չտա: «#Գախարիան մեր նախարարն է» վերնագրված դիմումում նշվում է, որ միայն Գախարիան կարող է հաղթահարել ստեղծված քաղաքական ճգնաժամը. տեղեկացնում է aliq.ge կայքը:

«Ընդդիմությունն այսօր պահանջում է նման հզոր անձնավորության հրաժարականը, սակայն ակնհայտ է, որ դա ցանկացողները շատ չեն։ Գախարիայի հրաժարականը թույլ չտալու մասին խնդրագիրը նպատակ ունի ցույց տալ հանրությանը, որ Գախարիայի նման ուժեղ գործիչը անհրաժեշտ է Վրաստանին»,- գրում է մանիֆեստը նախաձեռնողներից Թոռնիկե Սվանիձեն:

Հիշեցնենք՝ Վրաստանի խորհրդարանի դիմաց 4 օր շարունակ ընթանում են բողոքի ակցիաներ: Պահանջներից մեկը ՆԳ նախարարի հրաժարականն է: Այսօր նույնպես` ժամը 19:00-ին, նախատեսվում է հանրահավաք անցկացնել: