Ռուսաստանը չեղարկել է Միքայել Հարությունյանի հանդեպ հետախուզումը. interfax.ru

ԱՊՀ երկրներում միջպետական հետախուզման մեջ գտնվող՝ Հայաստանի պաշտպանության նախկին նախարար գեներալ-գնդապետ Միքայել Հարությունյանի նկատմամբ հետախուզումը չեղարկվել է ՌԴ տարածքում:

Այս մասին գրում է interfax.ru-ն: «2008 թվականին Երևանում մարտի 1-ի գործով մեղադրվող Հարությունյանի նկատմամբ նյութերն ուսումնասիրելուց հետո որոշում է կայացվել չեղարկել նրա հետախուզումը ՌԴ տարածքում»,-ասել է գործակալության զրուցակիցը:

Աղբյուրը նաև նշել է, որ պաշտպանության նախկին նախարարին ձերբակալելու և արտահանձնելու մասին հայցը Մոսկվան ստացել էր որոշ ժամանակ անց ոչ թե Հայաստանի Գլխավոր դատախազությունից, այլ միջպետական հետախուզման կողմից:

Ձերբակալման մասին փաստաթղթում նշված է նաև Ռուսաստանի մայրաքաղաքում մեղադրյալին տնային կալանքի տակ առնելու մասին կետը:

Ռուսական լրատվամիջոցի տվյալով՝ այսպիսով, ՌԴ տարածքում Հարությունյանին ոչինչ չի սպառնում, բայց ԱՊՀ այլ երկիր տեղափոխվելու դեպքում կարող է ձերբակալվել և փոխանցվել Հայաստանին:

Հիշեցնենք, որ Միքայել Հարությունյանը մեղադրվում է Սահմանադրությունը խախտելու և սահմանադրական կարգը տապալելու փորձի համար: