Իսրայելը Լիբանանին պատասխան օդային հարված է հասցրել

Իսրայելական զորքերն օդային հարված են հասցրել Լիբանանի հարավին՝ ի պատասխան այնտեղից սահմանամերձ ռազմական բազայի և զինտեխնիկայի ուղղությամբ մի քանի հակատանկային հրթիռների արձակման․ տեղեկացնում է Times of Israel-ը՝  վկայակոչելով Իսրայելի պաշտպանության բանակի մամուլի ծառայության հայտարարությունը։

Հայտարարությունում, մասնավորապես, նշված է. «Լիբանանից մի քանի հակատանկային հրթիռ է արձակվել Իսրայելի զինվորական բազայի և զինտեխնիկայի ուղղությամբ: Իսրայելի պաշտպանության բանակը պատասխանում է հարվածներով Լիբանանի հարավում կրակի օջախների և այլ թիրախների ուղղությամբ»։

Տուժածների, ավերածությունների և պատասխան գործողությունների մասին դեռևս տեղեկություններ չեն հաղորդվում:

Լրատվամիջոցը տեղեկացնում նաև, որ կրակոցները նախորդել էին Սիրիայի ուղղությամբ վերջերս իրականացված օդային հարվածների ժամանակ լիբանանյան «Հըզբոլլահ» շարժման  մի քանի ակտիվիստների մահվանը և Բեյրութի տարածքում անօդաչու սարքի թռիչքի համար Իսրայելից վրեժ լուծելու սպառնալիքներին: