Համահայկական խաղերի շրջանակներում մեկնարկել է շախմատի առաջնությունը

«Արցախպրես»-ի թղթակցի հետ զրույցում գլխավոր մրցավար, շախմատի միջազգային գրոսմայստեր Նաիրա Մովսիսյանն ասել է, որ մրցաշարի 3 խաղափուլ անցկացվելու է Ստեփանակերտում, իսկ 6-ը՝ Երևանում:

Տարբեր երկրներց մասնակցում են մոտ 160 շախմատիստներ: Երեկոյան կժամանեն նաև Իրանի, Սիրիայի և Վրաստանի մարզիկները: Կարծում եմ՝ մրցաշարը վերածվելու է մեծ տոնի, որը հնարավորություն կտա Արցախի, Հայաստանի և Սփյուռքի հայությանը միմյանց հետ շփվելու, ամուր կապեր հաստատելու և նոր գաղափարներով կիսվելու: Ակնկալում ենք գեղեցիկ պայքար ու առողջ մրցակցություն»,-ասել է նա:

Ապարան համայնքի պատվիրակության անդամ Մարիամ Սարգսյանն էլ նշել է, որ  իրենց թիմը շատ ուրախ է Արցախում լինելու և բարձր մակարդակով կազմակերպված առաջնությունների մասնակիցը դառնալու համար:

«Ապարանի պատվիրակության կազմում ընդգրկված է 10 անդամ և 21 մարզիկ: Ունենք փորձառու հեծանվորդներ, շախմատիստներ, ֆուտբոլիստներ, հրաձիգներ և վստահ ենք, որ նրանք  կներկայանան պատշաճ մակարդակով: Հաջողություն եմ մաղթում բոլոր թիմերին: Մեծ հույսեր ունենք կապված մեր մարզիկների հետ, քանի որ նրանք ևս ոգևորված են և ունեն որոշակի ակնկալիքներ»,- ավելացրել է Մ. Սարգսյանը: