Ողբերգական պատահար Սև ծովում. խեղդվել են աշխարհի չեմպիոնն ու փոխչեմպիոնը

Ողբերգությունը տեղի է ունեցել օգոստոսի 4-ին, Սևաստոպոլում: Ջրահեղձ եղած մարզուհիներն են՝ 1986 թվականին ծնված  Մոսկվայի բնակիչ Ֆատիմա Ժագուպովան, և 1992 թվականին ծնված Մուրմանսկի բնակիչ Էլինա Գիսմեևան:

Ժագուպովան թեքվոնդոյի աշխարհի գործող չեմպիոն էր, իսկ Գիսմեևան՝ փոխչեմպիոն: Ըստ ականատեսների՝  նրանցից մեկը ցանկացել է լողալ փոթորկված ծովում և կամրջակից ցատկել է ջուրը: Հզոր ալիքն անմիջապես շպրտել է նրան և հարվածել կամրջակի կոնստրուկցիաներին:

Երկրորդ մարզուհին փորձել է օգնության հասնել, բայց փորձն անհաջող է ստացվել: Նա ևս հայտնվել է փոթորկված ծովի ալիքներում: Աղջիկներին փորձել են փրկել պարանների միջոցով, սակայն նրանք չեն հասցրել բռնվել դրանցից: