Աֆղանստանում ավտոբուսներից մեկում տեղի ունեցած պայթյունին զոհ է դարձել 34 ուղևոր, ևս 17-ը վիրավորվել է

Չորեքշաբթի Աֆղանստանի Հերաթ և Քանդահար գավառական մայրաքաղաքներն իրար կապող մայրուղիում տեղի ունեցած պայթյունի հետևանքով զոհվել է առվազն 34 ուղևոր, այդ թվում` երեխաներ, ևս 17-ը ստացել են տարբեր աստիճանի մարմնական վնասվածքներ, հայտնում է Reuters-ը` վկայակոչելով տեղի պաշտոնյաների խոսքերը:

Նշվում է, որ անվտանգությունն օր օրի վատթարանում էր ամբողջ Աֆղանստանում, քանի որ «Թալիբան» և «Իսլամական պետություն» ահաբեկչական խմբավորումների գրոհայինները գրեթե ամենօրյա հարձակումներ էին իրականացնում աֆղանական ուժերի, կառավարության աշխատողների և քաղաքացիական անձանց վրա:

«Թալիբան»-ը դերևս չի մեկնաբանել հայտարարությունը, քանի որ հարձակման համար պատասխանատվության անհապաղ պահանջ դեռևս չկա:

Հավելվում է նաև, որ չորեքշաբթի տեղի ունեցած պայթյունը հաջորդ ամիս կայանալիք նախագահական ընտրություններին ընդառաջ է, երբ ԱՄՆ պաշտոնյաները և «Թալիբան»-ի ներկայացուցիչները նույնպես պետք է վերսկսեն բանակցությունները՝ համաձայնեցնելու համար անվտանգության երաշխիքների դիմաց արտաքին ուժերի դուրսբերման ժամանակացույցը: