Սաուդյան Արաբիայի գլխավորած կոալիցիան օդային հարվածներ է հասցրել Եմենին

Հուլիսի 29-ին Եմենի հյուսիսային հատվածում` Սաադա նահանգում, շուկաներից մեկի վրա հարձակում է տեղի ունեցել, որը խլել է ավելի քան 10 խաղաղ բնակչի կյանք: Այս մասին տեղեկացնում է Reuters լրատվական գործակալությունը` վկայակոչելով տեղի բուժհաստատություններին և հակամարտող կողմերին:

 «Ալ Ջոմհուրի» հիվանդանոցի կառավարչի խոսքով` 13 մարդ մահացել է, ևս 23-ը ստացել են տարբեր աստիճանի մարմնական վնասվածքներ Քաթաբիր տարածքից օդային հարվածների հետևանքով, որ կազմակերպված էր Սաուդյան Արաբիայի գլխավորած կոալիցիայի կողմից, որը պայքարում է Եմենում Իրանի կողմնակից հութի ապստամբների դեմ:

Տեղական «Ալ Մասիրահ» հեռուստաընկերության տվյալներով` զոհերի թիվը հասել է 14-ի:

Հիվանդանոցի աշխատակցի տվյալներով` զոհվածների թվում 2 երեխա կա, ևս 1 երեխա վիրավոր է: Որոշ ժամանակ անց «Մասիրահ»-ը հաղորդել է ևս 4 զոհված երեխաների մասին: