Թեհրանն ունի հնարավորություն փակելու Հորմուզի նեղուցը, բայց չի ցանկանում. Զարիֆ

Իրանի արտաքին գործերի նախարար Մոհամադ Ջավադ Զարիֆը հայտարարել է, որ Իրանը կարող է նավթի փոխադրման համար փակել Հորմուզի նեղուցը, սակայն չի ցանկանում դա անել: 

«Մենք, անշուշտ, հնարավորություն ունենք անելու դա, բայց, իհարկե, չենք ցանկանում, որովհետեւ Հորմուզի նեղուցը եւ Պարսից ծոցը մեր փրկարարական գիծն են»,- ասել է նա Bloomberg հեռուստաալիքին տված հարցազրույցում:

Ավելի վաղ Իսլամական հեղափոխության պահապանների կորպուսը սպառնացել էր փակել Հորմուզի նեղուցն այլ երկրներ նավթի փոխադրման համար, եթե ԱՄՆ-ը շարունակի պատժամիջոցային ճնշումը: Ի պատասխան Պենտագոնը հայտարարել էր, որ պատրաստ է ապահովել նավարկության ազատությունն այդ տարածաշրջանում: