Մեծ Բրիտանիան Ասանժին չի արտահանձնի այնպիսի երկրի, որտեղ մահապատիժ է գործում

Սկանդալային նյութերի հրապարակմամբ զբաղվող WikiLeaks կազմակերպության հիմնադիր Ջուլիան Ասանժը չի արտահանձնվի ոչ մի այնպիսի երկրի, որտեղ մահապատիժ է գործում: Այդ մասին հայտարարել է Մեծ Բրիտանիայի ԱԳ նախարարի տեղակալ Ալան Դանքանը Էկվադորի արտգործնախարար Խոսե Վալենսիայի հետ հանդիպումից հետո. հայտնում է ТАСС-ը:

Ասանժը, որին Շվեդիայում 2010–ին մեղադրեցին սեռական ոտնձգությունների մեջ, 2012 թվականից թաքնվում էր Լոնդոնում Էկվադորի դեսպանատանը: 2019 թվականի ապրիլի 11-ին նրան ձերբակալեցին ԱՄՆ-ի հարցումով, որտեղ նա մեղադրվում է գաղտնի փսատաթղթերի հրապարակման մեջ: Լոնդոնում Ասանժին 11 ամսվա ազատազրկման են դատապարտել գրավի դիմաց ազատ արձակվելու պայմանները խախտելու համար:  Լոնդոնի դատարանը ԱՄՆ-ին Ասանժին արատահանձնելու հարցը կքննի 2020-ի սկզբին: