Չինաստանը մտահոգված է իրանական միջուկային գործարքի շուրջ իրավիճակով

Չինաստանը  չափազանց մտահոգված է իրանական միջուկային գործարքի շուրջ ստեղծված իրավիճակով և կոչ է անում բոլոր կողմերին` զսպվածություն ցուցաբերել ու ջանքեր գործադրել գործարքի իրականացման համար: Այդ մասին ճեպազրույցի ժամանակ ասել է Չինաստանի ԱԳՆ պաշտոնական ներկայացուցիչ Գեն Շուանը. հայտնում է РИА Новости-ն:

«Պետք է նշեմ, որ իրավիճակի հիմնական պատճառը, որում մենք հայտնվել ենք,  ԱՄՆ-ի կողմից չափազանց մեծ ճնշումն է: Մենք հույս ունենք, որ Վաշինգտոնը կհրաժարվի սխալ քայլերից, կհարգի այլ կողմերի օրինական իրավունքները, չի խոչնդոտի գործարքի իրականացմանը, նաև ջանքեր կգործադրի քաղաքական-դիվանագիտական կարգավորման համար»,-ասել է Շուանը: