Թուրքիայում հետաքննություն է սկսվել գլխաշորն իսլամական կարգադրություն չհամարող աստվածաբանի նկատմամբ

Աստվածաբան և TELE1 հեռուստաընկերության հաղորդավար Ջամիլ Քըլըչի նկատմամբ հետաքննություն է սկսվել: Պատճառը նրա թվիթերյան  գրառումն է:

«Իսկապես չեմ հասկանում: Իմ տեսակետն եմ հայտնում, որ գլխաշորը իսլամական ավանդույթ է, բայց աստվածային կարգադրություն չէ: Դատախազը գործ է հարուցել իմ նկատմամբ: Արդեն անցել ենք շարիաթի օրենքներին, բայց միայն ե՞ս չեմ տեղյակ դրանից»,- հայտարարել էր Քըլըչը:

Թուրքական Yeni Akit-ը, որը հայտնի է իր ծայրահեղական և իսլամական դիրքորոշումներով, Քըլըչին «մոլորյալ» է հայտարարել և թիրախավորել, իսկ «Ռամի Աթաթուրքի անատոլիական» լիցեյը նրան հեռացրել է պաշտոնից. հաղորդում է diken.com.tr կայքը: