Թուրքիայի Սահմանադրական դատարանը հաստատել է, որ պետությունը խոչընդոտել է պատրիարքի ընտրություններին

Թուրքիայի Սահմանադրական դատարանը հրապարակել է այն փաստարկները, ըստ որոնց` Պոլսո պատրիարքի ընտրություններին միջամտելը «կրոնական ազատությունների խախտում» է:

Ըստ Թուրքիայի ՍԴ-ի` հաստատվում է, որ թուրքական իշխանությունները 2010 թվականից ի վեր խոչընդոտել են Պոլսի Հայոց նոր պատրիարքի ընտրությունների անցկացմանը: 2010 թ. պատրիարքարանի նախաձեռնող խումբը դիմել էր ներքին գործերի նախարարություն (որը զբաղվում է ազգային փոքրամասնությունների հարցով)` Պոլսի նոր պատրիարք ընտրելու հարցով, քանի որ երջանկահիշատակ պատրիարք Մեսրոպ Մութաֆյանը առողջական խնդիրների պատճառով ի վիճակի չէր այլևս իր պարտականությունները կատարել:

Դատարանը հաստատել է, որ պատրիարքի ընտրությունների համար իրավական փաստաթուղթ է ծառայում 1864 թ. ընդունված Կանոնադրությունը: