Թուրքիայի մեջլիսը հաստատել է սահմանադրական փոփոխությունների նախագծի երկու հոդվածները

Թուրքիայի խորհրդարանում սահմանադրական փոփոխությունների վերաբերյալ նախագծի 1-ին և 3-րդ կետերից հետո այժմ էլ ձայների մեծամասնությամբ ընդունվել են 4-րդ և 5-րդ կետերը:

Ըստ «Անադոլու» գործակալության՝  նախագծի 5-րդ կետն ընդունվել է ձայների` 343 կողմ և 7 դեմ հարաբերակցությամբ: 

Ընդդիմությունը, բոյկոտելով քվեարկությունը, չի մասնակցել:

Նշենք, որ քվեարկությանը չի մասնակցել նաև քրդամետ Ժողովուրդների դեմոկրատական կուսակցությունը: ԺԴԿ խոսնակ Այհան Բիլգենը հայտարարել էր, որ խորհրդարանական քվեարկությանն իրենց խմբակցությունը չի մասնակցի՝ կուսակցության երկու համանախագահների ու 8 պատգամավորների  կալանավորման պատճառով: